Kesi ya kumteka na kutaka kumuua Mwenyekiti wa Jumuiya ya Madaktari,
Dkt. Steven Ulimboka inayomkabili raia wa Kenya, Joshua Mulundi (21),
katika Mahakama ya Hakimu Mkazi Kisutu jijini Dar es Salaam, imetajwa na
upelelezi wake haujakamilika.
Kesi
hiyo imetajwa mbele ya Hakimu Agnes Mchome na wakili wa serikali
alikuwa Mwanaisha Komba ambapo aliieleza mahakama kuwa upelelezi wa kesi
haujakamilika. Kesi imepangwa kutajwa tena Agosti 8 mwaka huu.
Mulundi
ambaye ni mkazi wa Murang’a , Kenya, anadaiwa kuwa Juni 26 mwaka huu,
akiwa eneo la klabu ya Leaders alimteka Dkt. Ulimboka. Katika shitaka la
pili, ilidaiwa kuwa Juni 26 mwaka huu, akiwa katika eneo la Msitu wa
Mwabepande Tegeta, Dar es Salaam, kinyume cha sheria, mshitakiwa huyo
alijaribu kumsababishia kifo Dkt. Ulimboka.
Mshitakiwa alikana mashitaka hayo na yupo rumande.
via HabariLeo
